Diario digital de la merindad
200 euskaltzale bazkal orduan elkartu ziren Berbintzanan
Pasa den larunbatean Berbintzanak Euskararen Eguna ospatu zuen. Hori dela eta, egunean zehar oso giro ederra izan herriko kaleetan hamaika jendek parte hartuz. Bestalde, berrehun lagun inguru bazkaltzeko elkartu ziren Berbintzanako Euskal Kultur Taldeak antolatu zuen egitarauari esker. 
ERRENSA, erromatar ara Berbintzanako Eretas Museoan
Abenduak 18an, igandearekin, Berbintzanako Auzo Etxean, Erlantz Urtasun historialariak Berbintzana Taldeak antolaturiko “Nafarroako Antzinateko Historia”, Burdin arotik Erromatar aldia bitarte ikastaroari zegokion bigarren hitzaldia eskaini zuen.
Erlantzek gure arbasoen eta erromatar munduaren arteko elkarbizitzaren lehen tartea azaldu zuen. Erran nahi baita militarki eta kulturalki Erroma garaiezinaren aldia, eta nola gure arbasoek hasieratik haien adiskide izaten aukeratu zuten. Izan ere, ez zuten erromatarren aurka borrokarik egin, areago, erromatarrek hainbatetan defendatu gintuzten, Numantziako gerlari ospetsuek gure hegoaldeko hiriren bat inguratu eta eraso zutenean kasu.
Erlantz Andeloko, Santa Krizko edota Kalagorriko auzokideak kanpotik etorririko erromatarrak baino erromatar hiritar bihurturiko bertoko baskoiak zirela ulertarazten saiatu zen, erromatar legioetan borrokan ari izan ziren baskoiak, haien hizkuntza, ohiturak eta arauak errespetatu zitzaizkien baskoiak. Erromatarrek idatziz “baskoiak” deitu ziguten. Ez dugu gure arbasoei deitzekotz lehenagoko izendapenik ezagutzen.
Zibilizazio hark ongizate maila eta merkatal salerosketa mogimendu itzela erdietsi zuela aipatu zigun, uste genuen lurraldea baino eremu zabalagoa gizatiarazten, eta gero, Inperioko hondamendia medio, ondorengo mendeetan ezagutuko ez zena: Santa Krizen apaingarri materialak egungo Turkiatik ekarri bide zituzten, edota Irungo kai erraldoiak, bainuetxeak, berogailuak…
Eta guregan eraginik ukan ez zuten erromatar konkista kanpainak eta parte hartu genuen haien arteko guda zibilak bereiztu zituen. Adibidez, Julio Zesarren aurka, Pompeioren lagunak eta haren aldekoak izan ginen, hain zuzen beharbada gure Iruñeari bere izena eman ziona, “Pompelo”, euskarari ere dagokiokeena, “-elo”k populazio gune garrantzitsua adierazten baitzuen, gure hurbileko Andelo (And+elo)k erakusten duen moduan.
Eta bertaraturiko batzuk ERETAS museoan dugun eta ERRENSA (euskaraz izendaturiko emakumezko sinesmena) zenari eskainiriko erromatar aldiko ara duela urte gutxi Larragako erdigunean, botika ondoan, agertu zela ohartu ginen.
Erlantzek aurkitzen diren hondarren inguruan politikariek duten ohiko jarduera kritikatu zuen, baita zenbait historialarirena, arkeologorena ere, Nafarroan agintzen duenaren arabera “historia” aldatzekotz gai baitira, Auñamendiz hegoalderantz nahiz iparralderantz aurkiturik eta sailkaturik zeuden hainbat aztarna “galdu” baitira, egun auskalo zein toki aberatsetan izanen diren…
Hurrengo urtarrilaren 22an, igandearekin, 11:30etan, Berbintzanako Auzo Etxean, ERLANTZ URTASUN ANTZANOk bere hirugarren hitzaldia eskainiko digu. Bertan erromatar inperioko bukaera azalduko du, eta nola gure arbasoek.
Berbintzana Taldea
Euskal Kukltur Elkartea
De la mano de Berbintzanako Euskal Kultur Elkartea, el historiador Erlantz Ertasun impartirá cuatro sesiones de conferencias acerca de la “Historia de Navarra en la antigüedad. Desde la Edad de Hierro hasta los romanos”. Las dos primeras sesiones se han organziado para los sábados 26 de noviembre y 17 de diciembre. La tercera sería en enero y la última, ya en febrero, consistirá en una visita a Las Eretas y Andelos (Mendigorria). Las charlas son abiertas y gratuitas.
_______
Berbintzana Taldeak Erlantz Urtasun historialariarekin Nafarroako Antzin Aroari buruzko lau saio adostu ditu. Sorta bakoitza zenbait solasaldietaz osatuko da eta hauen ondoren txango bat egin nahi da lurgunean, landutako garaia ikusteko. Lehenengo bi solasaldiak “Nafarroa Antzin Aroan: Burdin arotik Erromatarrak arte”ri buruzkoa izanen dira azaroak 26 eta abenduak 17 hain zuzen ere. Hirugarrena urtarrilan eman dute eta bukatzeko, otsailan bisitatuko dute Eretas eta Andelos (Mendigorria). Hitzaldiak dohainik dira eta edonor joan daiteke.
La asociación Berbintzana Taldea Euskal Kultur Elkartea entregará el 14 de agosto un detalle a su primer “Urrezko Zubia” en la sobremesa del hamaiketako previo al cohete. Con este nombramiento se quiere reconocer a las personas, asociaciones, grupos deportivos o culturales que, en relación con Berbintzana, promuevan la cultura en general, el euskera y la cultura navarra en particular, o aquellos que por sus méritos ponen en valor a la localidad y la libertad, la solidaridad, el asociacionismo, la integración entre culturas, valores que defiende la asociación
La entrega del premio se hará en el centro de Berbintzana, a las 12:00h.