La voz de la Merindad

Diario digital de la merindad

Hezizatzaileek euskara sustatzeko ikastaroa

por Deja un comentario

Tafallako Udaletxean gaur aurkeztu dira  Nafar Gobernuko Euskarabideak antolatutako bederatzi orduko ikastaroaren estrategiak eta baliabideak. Haur eta gazteen artean euskararen erabilera bultzatzea du helburu. Kolasa Gazte Etxean azaroaren 3an eta 4an (ostirala eta larunbata) eskainiko dira saioak:  ostiralean 17:00-20:00 eta larunbatean  goizez eta arrastsaldez: 10:00-13:00 / 15:00-18:00.

Formazio honek begiraleek euskararen erabilera sustatzeko estrategia eta baliabideak eskaintzen ditu. Honetarako hezitzaileentzako gida prestatu eta argitaratu du, ikastaroan banatuko dena. Ikastaro hau doakoa da (Euskarabideak ordaintzen du). Dindaia Fundazioak ematen du eta Nafarroako Euskara Zerbitzuek eta NUP-ek laguntzen dute.

Hiru saiotan banatuta dago:

  1. Hezitzaileentzako Nafar Gobernuak argitaratutako gidaren aurkezpena. Nafarroako euskararen egoera eta oinarri soziolinguistikoak.
  2. Aisialdiko jarduerak. Euskara sustatzeko estrategiak eta teknikak.
  3. Euskara sustatzeko baliabideak eta ondorioak.

Izena emateko: DINDAIA FUNDAZIOA

Izena ematen dutenei “Hau jolasa baino gehiago da” gidatxoa banatuko zaie.

 

Euskara ikasteko aurrematrikula Erriberrin

por Deja un comentario

Ihazko Euskararen Eguna. Argazkia utzita

Erriberrin AEKrekin euskara ikasteko aurrematrikula epea ireki da, ekainaren 19 egun arte. Interesatuak deitu 012 ó 948 012012 zenbakira eta eman behar diren datuak hauxe dira:

Izena eta abizenak
Telefonoa
Posta elektronikoa
Erriberrin erroldatua zauden edo ez
Maila: oinarrizkoa – tartekoa – goi maila
(Ez badakizu zure maila zein den, AEKn lagunduko zaituzte).

Ostean bilera bat egingo eginen da ordutegia, prezioa eta zalantza guztiari buruz hitz egiteko.

 

 

 

“Burdin arotik Erromatar aldia bitarte”, hitzaldia Erlantz Urtasunen eskutik

por Deja un comentario

ERRENSA, erromatar ara Berbintzanako Eretas Museoan

ERRENSA, erromatar ara Berbintzanako Eretas Museoan

Abenduak 18an, igandearekin, Berbintzanako Auzo Etxean, Erlantz Urtasun historialariak Berbintzana Taldeak antolaturiko  “Nafarroako Antzinateko Historia”, Burdin arotik Erromatar aldia  bitarte  ikastaroari zegokion bigarren hitzaldia eskaini zuen.

Erlantzek gure arbasoen eta erromatar munduaren arteko elkarbizitzaren lehen tartea azaldu zuen. Erran nahi baita militarki eta kulturalki Erroma garaiezinaren aldia, eta nola gure arbasoek hasieratik haien adiskide izaten aukeratu zuten. Izan ere, ez zuten erromatarren aurka borrokarik egin, areago, erromatarrek hainbatetan defendatu gintuzten, Numantziako gerlari ospetsuek gure hegoaldeko hiriren bat inguratu eta eraso zutenean kasu.

Erlantz Andeloko, Santa Krizko edota Kalagorriko auzokideak kanpotik etorririko erromatarrak baino erromatar hiritar bihurturiko bertoko baskoiak zirela ulertarazten saiatu zen, erromatar legioetan borrokan ari izan ziren baskoiak, haien hizkuntza, ohiturak eta arauak errespetatu zitzaizkien baskoiak. Erromatarrek idatziz “baskoiak” deitu ziguten. Ez dugu gure arbasoei deitzekotz lehenagoko izendapenik ezagutzen.
Zibilizazio hark ongizate maila eta merkatal salerosketa mogimendu itzela erdietsi zuela aipatu zigun, uste genuen lurraldea baino eremu zabalagoa gizatiarazten, eta gero, Inperioko hondamendia medio, ondorengo mendeetan ezagutuko ez zena: Santa Krizen apaingarri materialak egungo Turkiatik ekarri bide zituzten, edota Irungo kai erraldoiak, bainuetxeak, berogailuak…
Eta guregan eraginik ukan ez zuten erromatar konkista kanpainak eta parte hartu genuen haien arteko guda zibilak bereiztu zituen. Adibidez, Julio Zesarren aurka, Pompeioren lagunak eta haren aldekoak izan ginen, hain zuzen beharbada gure Iruñeari bere izena eman ziona, “Pompelo”, euskarari ere dagokiokeena, “-elo”k populazio gune garrantzitsua adierazten baitzuen, gure hurbileko Andelo (And+elo)k erakusten duen moduan.

Eta bertaraturiko batzuk ERETAS museoan dugun eta ERRENSA (euskaraz izendaturiko emakumezko sinesmena) zenari eskainiriko erromatar aldiko ara duela urte gutxi Larragako erdigunean, botika ondoan, agertu zela ohartu ginen.

Erlantzek aurkitzen diren hondarren inguruan politikariek duten ohiko jarduera kritikatu zuen, baita zenbait historialarirena, arkeologorena ere, Nafarroan agintzen duenaren arabera “historia” aldatzekotz gai baitira, Auñamendiz hegoalderantz nahiz iparralderantz aurkiturik eta sailkaturik zeuden hainbat aztarna “galdu” baitira, egun auskalo zein toki aberatsetan izanen diren…

Hurrengo urtarrilaren 22an, igandearekin, 11:30etan, Berbintzanako Auzo Etxean, ERLANTZ URTASUN ANTZANOk bere hirugarren hitzaldia eskainiko digu. Bertan erromatar inperioko bukaera azalduko du, eta nola gure arbasoek.

Berbintzana Taldea
Euskal Kukltur Elkartea