Uxuen, txoko eder bat
UPNAk, Uxueko Udalak, eta Nafar Gobernuak antolatutako hainbat hitzaldi izanen dira Uxuen irailearen 1ean Paseo de Ronda deitzen dioten lekuan. Goizez euskaraz emanen dute eta arratsaldean Goio Monrealek arratsaldeko 19.00etan “La desaparición del reino de Navarra y su incidencia en las fronteras” hitzaldia erdaraz emanen du.
Egitaraua
11.00 Irekiera. Humberto Bustince.
11.15 “Nafarroako mugak eta erresumaren defentsaren bilakaera, Uxueren adibidearen harira”. Roldan Jimeno.
12.15 “Hizkuntzaren mugak: Uxue”. Patxi Salaberri Zaratiegi.
13.15 “Muga politikoak eta elizaren mugak: bilakaera historikoa”. Nere Jone Intxaustegi.
16:30 “Muga politikoak eta Nafarroako identitatea: 1512ko konkistatik XXI. mendera”. Amaia Alvarez Berastegi.
17.30 Hitzaldia: Nafarroa, nazioarteko mugak eta Europaren eraikuntza. Unai Belintxon.
19.00 La desaparición del reino de Navarra y su incidencia en las fronteras. Gregorio Monreal.
Tafallako Udaletxean gaur aurkeztu dira Nafar Gobernuko Euskarabideak antolatutako bederatzi orduko ikastaroaren estrategiak eta baliabideak. Haur eta gazteen artean euskararen erabilera bultzatzea du helburu. Kolasa Gazte Etxean azaroaren 3an eta 4an (ostirala eta larunbata) eskainiko dira saioak: ostiralean 17:00-20:00 eta larunbatean goizez eta arrastsaldez: 10:00-13:00 / 15:00-18:00.
Ostiral honetan, uztailak 21, Erriberriko Antzerki Klasikoaren XVIII. edizioa hasiko da, aurtengoan klasikoen berrirakurketan oinarritutako programazioa hartuko duena. Berrirakurketa horiek, hain zuzen, egungo antzerkigintzako antzerkigile eta zuzendari onenetako batzuek egindakoak dira.
Nafarroako Gobernua 2016-2019 aldirako Hizkuntza Politikaren Plan Estrategikoa diseinatzen hasi zen maiatzean, eta sektoreko zein administrazioko teknikari eta eragileekin batera Plan Estrategikoaren lehen dokumentua osatu da. Orain, Plan Estrategiko horri lotuta, informazio eta kontsultarako fasea zabalduko da eta partaidetza prozesua jarriko da martxan helburu honekin: Plan Estrategikoaren lehen dokumentua herritarrei aurkeztu eta beraien ekarpenak jasotzea, ondoren behin betiko txostena osatzeko. Horretarako hainbat lurralde-bilera eta sektore-bilera antolatuko dira.
