Gaur egun aldizkako baraualdia oso modan dago. Beti bezala, pertsona ospetsu batek jarraitzen duen “dieta” kontatzen duenean guk berdina egin nahi dugu emaitza berdinak lortzeko beste ezer kontutan hartu gabe.

Baina gure bizitzan edozein elikadura aldaketa egin baino lehen informazioa bilatu behar da, metodo berri hori guretzat egokia ez izatea gerta litekeelako.

Jakin behar den lehenengoa da baraualdia jateko orduak antolatzen dituen laguntza edo nutrizio estrategia bat dela. Horrela, egunean zehar jaten diren kaloria kantitatea murriztea lortu daiteke eta, horregatik, pisua galtzeko estrategia bezala erabiltzen ari da.

Beraz, esan dugun bezala, aldizkako baraualdian eguneko ordu mugatu batzuetan jan daiteke. Aldizkako baraualdirik ezagunena 16/8 da, hau da 8 orduetan zehar jan dezakegu (adibidez goizeko hamarretatik arratsaldeko seiak arte) eta eguneko beste 16 orduak baraurik egongo gara.

Hala ere, aldizkako baraualdi mota desberdinak existitzen dira zeinetan eguneko baraualdiak egiten dira, ez bakarrik ordukoak.