Barizeak eta hanken nekea edo hanken zirkulazio txarrarekin erlazionatutako sintomak ohiko kontsulta dira botikan. Sintoma hauek azkura, mina, astuntasuna, orkatiletako handitasuna edo gaueko karranpak izaten dira eta zainen gutxiegitasun batekin erlazionatuta egon daitezke.

Zainak odola ehunetatik bihotzera eramaten duten hodiak dira. Zainetan odol-fluxua arterietan baino mantsoagoa izaten da eta honek odolaren pilaketan laguntzen du, batez ere hanketan non, gainera, odola grabitatearen kontra joan behar duen.

Lan hau egiteko zainek balbula batzuk dituzte odol fluxu hori kontrolatzeko eta hanken muskuluez laguntzen dira ere, horregatik mugimenduak fluxuan laguntzen du.