Umeen kasuan arreta berezia jarri behar da eguzkiarekin, bere larruazala helduen larruazalaren ezaugarri desberdinak baititu eta horrek zaurgarriagoak egiten ditu.

Hurrengo baldintzek umeek erradiaziotik modu naturalean babesteko duten gaitasun baxua esplikatzen dute:

  • Azaleko azkeneko geruza meheagoa da.
  • Melaninaren produkzioa ez dago behar bezala garatuta.
  • Babes mekanismoak ahulagoak dira.

Hiru urtetik beherako umeak ez dira eguzkitan egon behar. Estudio asko daude eguzkiaren efektu txarrak adin txikietan esplikatzen dituztenak. Jakina da ume hain txikietan eguzkiaren efektu kaltegarriek inportantzia handia dutela, helduetan azaleko minbizia edukitzeko arriskua asko igotzen baitute.

Uda iristen denean, eguzkia indartsuagoa delarik edo oporretan joaten bagara leku eguzkitsu batera, itzala bilatu beharko dugu gure umearentzat. Gainera arropa aproposarekin (gaur egun eguzkitarako arropa espezifikoak aurkitu ditzakegu), betaurrekoekin eta txanoekin babestea komeni da.

Arroparekin babestu ezin diren gorputzeko partetan krema erabili beharko da, itzala bilatu arren urak edo hareak emandako zeharkako erradiazioa ere kaltegarria izango baita.

Produktu aproposak

Segurtasunagatik normalean filtro fisikoak dituzten kremak erabiltzen dira, azalaren erreakzioak edo alergiak neurri gutxiagoan agertzen direlako, baina hoberena botikan galdetzea izango da aholku pertsonalizatu bat jasotzearren.

Udan eguzkitarako babesa totala erabili beharko da, kantitate nahikoan. Gomendatzen den kantitatea helduaren erdiko bi hatzen neurria da gorputzeko zona bakoitzarengatik, kantitate hau bikoitza izanda aurpegiaren kasuan zona honen proportzio handiagoarengatik gainerako gorputzarekin konparatuta.

Produktua ondo astindu behar da eman aurretik krema ondo nahasteko eta gutxienez bi ordutik behin errepikatu aplikazioa, batez ere umeak izerdi egiten badu edo bainu bat ematen badiogu, naiz eta produktuak ura jasaten duen.

Hala ere mota honetako produktuak gomendatzen dira. Gainera, bero egunetan umeak ura kantitate nahikoan hartzen duela zaindu beharko da bere hidratazioa egokia izan dadin.

Oinarrizko ohiturak

Bukatzeko, garrantzitsua da produktuaren aplikazio egokia azpimarratzea, honen efektuan eragina izango baitu. Gainera, gurasoek eguzkitarako babesean ohitura onak erakutsi beharko dizkiete umeei hauek bere bizitza osoan zehar mantendu ditzaten. Hona hemen oinarrizko batzuk:

  • Ez egin esposizio luzerik 12:00tatik 16:00etara.
  • Krema kantitate nahikoan eman, eguzkitan jarri baino ordu erdi lehenago.
  • Krema ongi ematea honen efektibitatean eragingo du.
  • Aplikazioa berritu bi orduro, bereziki izerdi egin baduzu edo bainatu ondoren.
  • Barne hidratazioa garrantzitsua izango da.
  • Elikadura ere garrantzitsua da, fruta eta barazkiak bereziki, antioxidatzaile asko baitituzte.
  • Gorputza kremarekin hidratatu eguzkitan egon ondoren.
  • Eguzkitako krema behin irekita, ez gorde urte batetik bestera, bere propietateak kaltetuta egon baitaitezke.