Erredurak beroak, elektrizitateak, erradiazioak edo produktu kimikoek eragindako azalaren lesioak dira eta bere sakoneraren arabera klasifikatzen dira:

  • Lehen mailako erredurak: gorritasuna eta mina ematen dute eta azala oso sentikorra bihurtzen da. Azala zuritu egiten da presio arinarekin eta ez da babarik agertzen. Eguzkiak eragindakoak dira ohikoenak.
  • Bigarren mailako erredurak: hautsi daitezken babak eragin ditzakete. Azaleko gorritasun handia eta mina agertzen dira.
  • Hirugarren mailako erredurak: Larrienak dira, normalean ez dute minik ematen azala anestesiatzen dutelako.

Erreduraren larritasuna honen jatorriarekin, sakonerarekin, zabalerarekin eta lokalizazioarekin erlazionatuta dago.

Arrazoi asko daude erredura bat agertzeko, baina ohikoenak beroaren eraginpean jartzeagatik agertzen diren lehen mailako erredurak dira. Arrazoi ohikoenak sua, likido eta objektu beroak, produktu kimikoak, elektrizitatea eta eguzki erradiazioa dira.

Korronte elektrikoek eragindako erredurak intentsitate handiko lesioak eragin ditzakete, hasiera batean ematen duen baino egitura sakonagoak minduz. Produktu kimikoek eragindako erredurak intoxikazioak ere eman ditzakete.

Lehengo mailako erredurak

Lehengo mailako erredura baten aurrean, botikara joan gaitezke laguntza bila, baina hurrengo edozein egoeraren aurrean medikuarengana joan beharko da:

  • Erredura 2 hastetan sendatu ez bada. Normalean, infekziorik ez badago, azaleko erredurak 2-3 hastetan sendatzen dira.
  • Alarma seinaleren bat agertzen bada:
    • Erredura handiak, gorputzeko parte handi bat hartzen dutenak, naiz eta lehengo mailako erredura izan.
    • Aurpegian, eskuetan, oinetan edo sexu organoetan agertzen bada erredura.
    • Mina edo infekzioa badago 48 ordu ondoren.
    • Lehengo mailako eguzki erredurekin sukarra edo deshidratazio seinaleak agertzen badira.
  • Produktu kimikoren batek eragin badu erredura tratamendu berezia beharko da.
  • Korronte elektrikoek eragindako erredurekin beti komeni da ospitalera joatea.

Zenbait gomendio

Medikura joan aurretik, egoera hobetzeko gomendio batzuk jarraitu ditzakegu:

  • Akzidentearen tokian, pertsona afektatua erreduraren eraginarengandik berehala urrundu behar da.
  • Arropa kendu bakarrik azalera itsatsita ez dagoenean.
  • Zauria hoztu ur hotzarekin 20-30 minutuz (izotza ez erabili denbora luzez, ehunak mindu daitezke).
  • Lehengo mailako erredurak berehala sartu ur hotzetan mina kendu arte. Zauria ura eta xaboiarekin garbitu eta kontu handiz hondar guztiak kendu infekziorik agertu ez dadin. Erredura gasa edo benda esterilekin tapatu. Eguzkiko erreduretan konpresa bustiak eta hotzak aplikatu daitezke 10 minutuz, behin baino gehiagotan egunean zehar, beroa eta mina jaisteko.
  • Bigarren mailako erreduratan ur hotza edo konpresa bustiak aplikatu mina jaitsi arte, ondoren erredura lehortu eta gasa esterilekin tapatu. Babak ez apurtu.

Orokorrean, edozein erredura eguzkiarengandik babestu behar da urte oso batean zehar zauria sendatu denetik. Beti bezala, hoberena lesioa profesional batek ikustea izango da aholku pertsonalizatu bat jaso dezagun zauriaren itxuraren arabera.