Gehiegizko beroa arriskutsua izan daiteke pertsonen osasunarentzat osasun arazoak sortuz. Deshidratazioa, azaleko erupzioak edo eguzki-kolpea dira ohikoenak

Osasun arazo hauek larriak izan daitezke eta osasun laguntza behar izan dezakete.

Esaten da aurtengoa uda berotsua izango dela, beraz hau kontuan izanda eta ikusita pasatu ditugun egun beroak, hona hemen beroak eragindako gaixotasunei aurre egiteko hartu daitezken neurri batzuk:

  • Tenperatura baxueneko orduak aprobetxatu esfortzu handiko lanak egiteko erosketa, garbiketak, kirola edo baratzeko lanak bezala.
  • Ur eta edari fresko gehiago edan, egarri izan arte itxoin gabe.
  • Ez edan edari alkoholdunik, kafeinadunik edo azukredunik.
  • Bazkari arinak egin, batez ere fruta, barazki eta entsalada asko.
  • Ez egon eguzkitan 12ak eta 17ak artean.
  • Eguzkitik babestu betaurrekoak, kapelua eta krema erabiliz.
  • Leku freskoak bilatu eta dutxak edo bainuak hartu.
  • Egunean zehar leihoak itxi kalean freskatzen duen arte.
  • Arropa argia, zabala eta arina jantzi.
  • Ez utzi inor geldirik eta itxita dagoen ibilgailu baten barruan.
  • Adineko pertsonen kasuan familiakoak, auzokoak, etab. haiekin harremanetan jarri egunean bitan gutxienez, ondo daudela ikusteko eta neurri hauek praktikan jartzen dituztela ziurtarazteko.
  • Lantokietan prebentzio neurriak bete.
  • Osasun zerbitzuekin harremanetan jarri sukar handia baldin badago, kontzientzia egoera aldatzen bada, zorabioa agertzen bada eta portaera aldatzen denean.

Era berean, mendira joatea modan dagoen momentu honetan, ez ahaztu beroa ez dela kirolaren lagun oberena. Beraz, ibilaldiren bat egiteko asmoa baduzu ez ahaztu:

  • Txangoaren egunerako tenperatura prebisioak kontsultatu, erabakitzeko kirola egitea komenigarria izango den ala ez.
  • Ibilaldi ezagunak aukeratu, mendizale gehiago topatuko dituzun lekuak, laguntza izatearren beharrezkoa bada.
  • Ez ibili bero gehiagoko orduetan (12:00-17:00).
  • Ur asko edan, egarririk izan gabe.
  • Eguzkitako krema erabili.
  • Arropa argiak eta arinak jantzi, baita betaurrekoak eta biserak ere.
  • Sukarra, izerdia, goragalea, azal beroa, ikusmen lausoa eta nekea agertzen bada, bilatu itzaletan deskantsatzeko lekua, ura edan eta gorputza ur freskoarekin refreskatu. Sintoma hauek desagertzen ez badira edo kontzientzia aldaketak, pultsu azkarra eta ahula edo arnasketa azkarra agertzen bada 112ra deitu.

Gogoratu beroak edonori egin diezaiokeela kalte, baina atentzio berezia jarri behar da adineko pertsonetan, 5 urtetik beherako umeetan edo haurdun dauden emakumeetan.

Informazio gehiagorako kontsultatu Nafarroako gobernuak aurkeztutako plana (Uda, beroa eta Osasuna) beroak eragindako gaixotasunei aurre egiteko.