Gaur egun, gero eta gehiago hitz egiten da hestearen osasunaren garrantziaz. Ugari dira hestearen egoera eta funtzionamendua gaixotasun desberdinen agerpenarekin erlazionatzen duten ikerketak. Ez da ahaztu behar hestea gure gorputzeko bigarren barrerarik handiena dela azalaren atzetik. Barrera hau kaltetuta egoteak buruko mina, nekea, beherakoa, tripako mina edo elikagaiekiko intolerantzia bezalako sintomak eman ditzake edota gaixotasun larriagoen eragile izan ere.

Gainera, hesteak oinarrizko funtzio asko betetzen ditu gure gorputzean, elikagaien absortziorako ezinbestekoa da, patogenoen kontrako barrera garrantzitsua da, mucus, entzima eta hormonak bezalako substantzien jarioaz arduratzen da eta floraren erregulazioa ahalbidetzen du adibidez. Funtzio hauek bere anatomia bereziari esker betetzen ditu. Barrera hau hiru geruzaz osatuta dago: enterozitoak babesten dituen muki-mintza, enterozito kapa bat eta zelula immunez osatutako barneko kapa bat.

Faktoreak

Hestearen osasun egoera kontrolatzeko faktore desberdinak hartu behar dira kontutan, baina garrantzitsuenetariko bat, eta momentu honetan gehien lantzen ari dena ziur aski, hestearen iragazkortasuna da. Pertsona osasuntsu batean hestea erdi-iragazkorra da, hau da, barrera selektibo bat da eta sustantzia jakin batzuen pasoa onartzen du, elikagaiena bezala, kaltegarriak izan daitezkeen beste sustantzien igaroa oztopatzen duen bitartean.

Esan bezala, barrera hau enterozito izeneko zelulek osatzen dute. Hauek monokapa jarrai bat osatzen dute eta beraien artean lotura estuak aurkezten dituzte konplexu proteikoen bitartez.

Enterozitoen geruza hesteetako muki geruza batez estalita dago, heste-flora ugari eta immunitate-sistemaren elementuak dituena. Lotura hauek apurtzen direnean “hesteko gehiegizko iragazkortasuna” edo “heste zulatuaren sindromea” bezala ezagutzen den patologia agertzen da. Hau gertatzen denean, agente patogenoak eta proinflamatorioak barrera pasatzen dute eta honen ondorioz neurriz gaineko erreakzioak, intolerantziak, gaixotasun autoimmuneak eta hantura prozesuak agertzen dira beste batzuen artean.

Hona hemen heste osasuntsu baten eta gehiegizko iragazkortasuna aurkezten duen heste baten arteako desberdintasuna.

heztearen iragazkortasuna

Faktore desberdinek aldatu dezakete hestearen iragazkortasuna. Oso ohikoa da estresarekin erlazionatzea, baita honek dakarren elikadura txarra eta insomnioarekin ere. Gaixotasun batzuek ere, ultzerak edo gastritisa bezala, gehiegizko iragazkortasunaren atzetik egon daitezke.

Egia da adinarekin hestearen iragazkortasuna handitu egiten dela, baina lehenagotik arazo honen agerpena saihesteko, beti bezala, bizimodu osasuntsu bat jarraitzea komeni da. Estresa jaistea, kirola egitea, ura edatea, elikadura egoki bat jarraitzea eta ondo lo egitea dira oinarrizko aholkuak. Beti bezala ere, estea kaltetzen duten produktuak alde batera utzi elikagai ultraprozesatuak, alkohola edo gasa duten edariak bezala.

Gainera profesional baten laguntza bilatu dezakezu onuragarriak izan daitezkeen elikadura-osagarriei buruzko informazioa jasotzearren glutamina edo probiotikoak bezala.