Pertsona osasuntsu batean, ahoaren osasuna ona dela esaten da pertsonak minik sentitu gabe murtxikatu dezakeenean, hortzetan sentsibilitaterik ez dagoenean, hortzak osasuna dutenean eta ahoan infekziorik eta zauririk ez dagoenean.

Ahoan arazoak daudenean pertsonaren osasun orokorrean izan dezake eragina eta, aldi berean, pertsonaren bizi kalitatean, hozka egiteko, murtxikatzeko edota hitz egiteko arazoak agertu daitezkeelako.

Ahoaren osasuna mantentzeko, oso garrantzitsua da honen garbitasuna egokia izatea eta, horretarako jakin behar da hortz eskuilarekin egiten den garbitasuna ez dela nahikoa.