Kolona edo heste lodia digestio-hodiaren azkeneko partea da. Koloneko minbizia polipo izeneko lesio baten ondorioz heste lodian edo ondestean sortzen den tumore gaiztoa da. Nafarroan tumorerik ohikoenetako bat da.

Hasierako faseetan ez da sintomarik izaten, baina kakarekin batera odola botatzea, hesteek ohi bezala ez funtzionatzea edo hesteetako ohituren aldaketa, tripako mina, aldaketak jateko gogoan, arrazoirik gabe mehetzea eta ahultasun orokorra sintoma susmagarriak dira eta beraien aurrean medikuarengana jo beharko dugu.

Koloneko minbizi kasu guztien %75aren inguruan esporadikoak dira eta gainerakoak familia historiarekin edo hesteetako hanturarekin erlazionatutako gaixotasunei lotuta daude.