Urtea hasi berria dugula eta, izan daiteke zure aurtengo helburua erretzeari uztea izatea. Oraindik ez bazaude guztiz konbentzituta, ona hemen agian ezagutzen ez duzun tabakoarekin erlazionatutako informazioa zure erabakia ohitura hau uztearen alde onak eta mantentzearen ondorioak ezagututa hartu dezazun.

Tabakoaren kontsumoa osasun publikoaren arazoen artean garrantzitsuenetariko bat da, bai erretzailea den jende kantitateagatik, baita dakarren osasun ondorioengatik ere.

Pertsona bat erretzailea dela esaten da gutxienez egunero zigarro bat erre badu azken hilabetean. Beste alde batetik, erretzaile ohia hamabi hilabete erre gabe daraman pertsona da.