Oso gai popularra ez izan arren, gero eta gehiago entzuten da zoru pelbikoa landu behar dela eta “hipopresivo” edo “kegel” bezalako ariketak egin behar ditugula, baina ezagutzen dugu honek denak duen garrantzia? Artikulu honetan zoru pelbikoa zer den eta gure bizi kalitatean duen garrantzia ikusiko dugu.

Zoru pelbikoa, bere izenak dioen bezala, pelbisaren beheko aldea estaltzen duen muskulu taldea da eta funtsezko zeregina betetzen du gure bizi kalitatean. Oso ezaguna ez izan arren, funtzio ugari betetzen ditu gure organismoan, bai emakumeetan eta bai gizonetan ere.

Muskulu hau lantzearen garrantzia normalean emakumearekin erlazionatzen da, baina ez da ahaztu behar gizonek ere muskulu talde hau dutela bere gorputzean eta, emakumeena bezain ahula ez izan arren, landu behar dutela inkontinentzia edo erekzio arazoak ez edukitzearren adibidez.