Ione eta Julen, Julen eta Ione; biak ala biak. Ikastolan oso jatorrak ziren eta jatorrak izaten jarraitzen dute. Gaur oso egun berezia dute. 17:30ean geratuak ginen elkarrizketa egiteko eta ordubete lehentxeago haien aitona hil da, Paco aitona.

Julen txikitan berarekin joaten zen ehizatzera eta oraindik gogoan du hil zuen azken usoa, laurogei urte baino gehiagorekin. Ioneri ez zitzaion hori tokatu, baina askotan hitz egiten zuen berarekin ehizari buruz.

Bezperan esan zion elkarrizketa bat egingo zietela ehizaren inguruan Merindad aldizkarirako eta aitona asko poztu zen.

Elkarrizketatxo hau Paco aitonari eskaini nahi diote, omenalditxo gisa.